Кога сме под стрес, еден од општите совети е да вежбаме, да се занимаваме со омилени активности и да забавиме, но студијата на истражувачите од Ирска дава нов увид за тоа како сè уште можеме да се справиме со тоа.

Во последната деценија, сè поголем број истражувања покажаа дека исхраната може да влијае на нашето ментално здравје. Всушност, докажано е дека здравата исхрана може да го намали ризикот од многу вообичаени ментални болести.

А најновата студија на истражувачки тим од Ирска сега покажа дека со секојдневно консумирање на ферментирана храна и растителни влакна, можеме значително да го намалиме нивото на стрес.

Иако овие механизми сè уште не се целосно разбрани, една теорија е дека постои одредена врска помеѓу нашиот мозок и микробиомот – трилиони бактерии кои живеат во нашите црева.

Оваа врска научниците ја нарекуваат – оска црево-мозок, а според нивното мислење овозможува постојана меѓусебна комуникација и поврзување на основните телесни функции како варењето и апетитот.

Претходните истражувања покажаа дека стресот и однесувањето се поврзани со нашиот микробиом, но досега не беше јасно дали промената на нашата исхрана може да го намали нивото на стрес.

Ова сакаше да го утврди студијата предводена од Џон Крајан од Универзитетот во Корк, а за тој и неговиот тим да дојдат до резултатите, испитале 45 здрави луѓе кои консумираат релативно малку влакна во своето тело, на возраст од 18 до 59 години. Учесниците беа поделени во две групи и по случаен избор им беше доделен план на исхрана што требаше да го следат за 4 недели.

На околу половина им беше доделена диета богата со пребиотици и ферментирана храна, а целта беше да се добијат 6 до 8 порции дневно овошје и зеленчук со висока содржина на пребиотски влакна – како кромид, праз, зелка, јаболка, банани и овес, 5. до 8 порции житарки дневно и 3 до 4 порции мешунки неделно.

Исто така, им било кажано да вклучат 2 до 3 порции ферментирана храна на ден – како кисела зелка, кефир и комбуха – во нивната исхрана. Додека на другата половина им било кажано да се хранат според пирамидата на здрава исхрана.

Помалку стрес

По период од 4 недели, откриено е дека луѓето кои својата исхрана ја засновале на повеќе ферментирана и пробиотска храна чувствувале помалку стрес, но и дека квалитетот на сонот им се подобрил драстично. Интересен е податокот дека квалитетот на сонот се подобрил и кај испитаниците од втората група, но не во толкава мера.

Таканаречената психобиотичка исхрана предизвика суптилни промени во составот и функцијата на цревните микроби, но научниците додадоа дека забележале значителни промени во нивоата на клучните хемикалии произведени од овие цревни микроби кои се поврзани со менталното здравје. Што објаснува зошто испитаниците изјавиле дека чувствуваат помалку стрес. Крајан тврди дека овие резултати сугерираат дека специфичните диети може да помогнат во заштитата на менталното здравје.

ИЗВОРNationalGheographic.rs
претходниот член,Принудените и договорените бракови реалност и во 21 век
Следната статијаВикендов врнежливо и ветровито време

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде