дома информација вест Антисемитизмот уште „живее“ во Германија: Евреин нападнат пред Синагога во Хамбург

Антисемитизмот уште „живее“ во Германија: Евреин нападнат пред Синагога во Хамбург

49
0

Ман, 26, носеше кипа кога беше нападнат од 29-годишник во маскирна облека.

Еден млад Евреин се здобил со сериозни повреди на главата откако бил нападнат со лопатa пред Синагогата во северниот германски град Хамбург во неделата попладне.

26-годишниот студент требаше да влезе во синагогата Хохе Вајде, во центарот на вториот по големина град во Германија, кога беше нападнат од човек во маска.

По првичниот удар на лицето, жртвата успеала да избега од понатамошни напади, а припадници на полицијата го привеле напаѓачот.

Полицијата соопшти дека верува дека нападот имал антисемитски мотив бидејќи нападнатиот носел кипа и излегувал од Синагога.

Напаѓачот, 29-годишник со казахстански корени регистриран како жител на Берлин, оставил „крајно збунет впечаток“ за време на апсењето, зборувајќи за духовите што го поттикнувале. Полицијата соопшти дека човекот не им бил познат од претходно.

Генералниот обвинител на Германија ги презеде истрагите за случајот поради можната екстремистичка позадина зад нападот.

Извор: Theguardian.com

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде