Честопати одговорноста за нашите негативни состојби им ја припишуваме на другите, околностите, времето, но понекогаш треба да ги бараме причините за стрес, анксиозност и исцрпеност во себе.
Постојат одредени навики кои можат да бидат предизвикувачи за стрес и исцрпеност – еве шест од кои треба да се ослободите:
1. Важно vs. итнo – Некои работи се итни, а некои се важни. Сфаќајќи ја секоја задача како итна, брзо ќе почнете да доживувате стрес. Поставете ги вашите приоритети, односно она што е важно и не обидувајте се да правите сè одеднаш.
2. Се обидувате да правите сè сами – Можеби сте тип на личност што мисли дека барањето помош е знак на слабост. Мора да бидете во можност да им верувате на другите луѓе и да не одбивате помош доколку ви биде понудена.
3. Избегнувате тешки разговори – Стравот од влошување на работите само ве тера да се затворите и да одржувате став што не ви се допаѓа. Иако од овие разговори може да произлезат емоции и непријатност, кажувањето на она што треба да се каже речиси секогаш резултира со одредено олеснување.
4. Акутна реакција на критики – Поточно, преземање на критиката премногу лично. Понекогаш можеби не ве критикуваат вас, туку дел од вашата работа, но вие често земате сè „при срце“ и критиката можете да ја сфатите како предизвик или навреда.
Обидете се да научите од нив и да размислите за сопствените постапки и едноставно отфрлете ги критиките кои се неосновани.
5. Се споредувате со другите луѓе – Ова се должи на постојаното споредување со другите. Почнувате да ги игнорирате сопствените лични достигнувања и се обидувате да постигнете резултати како „некој“.
6. Чувствувате дека секој избор што го правите е погрешен – Не сте сигурни за вашите одлуки и избори. Вината продолжува да ве прогонува, што доведува до стрес. Фокусирајте се прво на себе и водете се од вашите принципи кога донесувате одлуки.
