дома информација вест Европските држави со нови рестрикции: Се затвораат кафулињата и рестораните, се забрануваат...

Европските држави со нови рестрикции: Се затвораат кафулињата и рестораните, се забрануваат спортски натпревари и семејни собири

442
0

Голем број европски земји во понеделникот објавија дека по зголемувањето на бројот на новоинфицирани, ќе воведат нови мерки за борба против ширењето на коронавирусот, што ќе вклучува ограничување на патувањето, затворање на барови и ресторани и ограничување на јавните собири.

Холандија усвои нови мерки откако бројот на случаи на инфекција во вториот бран на епидемијата ги надмина рекордните бројки од април.

Мерките ќе вклучуваат задолжително носење маски во Амстердам и другите поголеми градови, забрана за публика што доаѓа на спортски натпревари во следните три недели и затворање на ресторани и барови во 22 часот.

Холандскиот премиер Марк Руте рече дека патувањата исто така ќе бидат ограничени и ги повика работодавците да организираат работа од дома што е можно повеќе, пренесува Ројтерс.

По зголемувањето на бројот на случаи со КОВИД-19, Словачка забрани повеќето културни и спортски настани. Премиерот Игор Матовиќ рече дека луѓето треба да носат маски најчесто што можат, да избегнуваат семејни собири и да се држат на дистанца за да се избегне потребата од воведување нови ограничувања.

Британската влада воведе нови ограничувања на собирите во делови на северо-источна Англија поради зголемувањето на случаите со КОВИД-19 во регионот. Од среда, на жителите на седум области, кои вклучуваат урбани центри како Њу Касл, Сандерленд и Дурам, ќе им биде забрането да се собираат во куќи и да се дружат со луѓе кои не се дел од домаќинството.

Воведени се ограничувања во домовите, пабовите и рестораните, а луѓето кои нема да ги почитуваат новите мерки се соочуваат со можност за казни, соопшти Министерството за здравство.

Извор: Слободна Далмација

претходниот член,Развиен спреј за нос кој дава надежи за сузбивање на заразноста на корона вирусот
Следната статијаВелика Британија станува дом за огромен број протерани продемократски политичари, поборници и демонстранти од Хонг Конг

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде