Во време кога дигиталната трансформација станува дел од секојдневието, прашањето за воспитувањето на децата добива нова димензија. Како да се најде баланс помеѓу технологијата и вистинските вредности? Дали дигиталните алатки се поддршка или предизвик за правилниот развој на младите генерации? Овие прашања се сè поактуелни и бараат сериозен и стручен пристап.
Во најновото издание на емисијата, авторот и водител Магдалена Стојмановиќ Константинов разговара со Наде Молеровиќ, професор и педагог, за улогата на семејството, училиштето и општеството во процесот на воспитување во дигиталната ера.
Разговорот отвора теми поврзани со влијанието на дигиталните технологии врз децата, предизвиците со кои се соочуваат родителите и наставниците, но и можностите што ги нуди современото образование. Целта е да се понудат насоки за одговорно користење на технологијата, без да се изгуби суштината на воспитувањето и човечките вредности.
