Во новото издание на емисијата „Мој збор“, гостин е Ристо Савески, претседател на Младински образовен форум, со кого разговараме за клучни прашања што директно ги засегаат младите во Македонија. Фокусот е ставен на трите законски решенија поврзани со високото образование, нивната имплементација и ефектите што ги имаат врз студентите и академската заедница.
Во разговорот се отвора и темата за иселувањето на младите – еден од најголемите општествени предизвици во земјата, како и причините што ги тераат младите да ја напуштаат државата. Савески говори и за состојбата со младинското организирање и претставување, укажувајќи на системските слабости и потребата од посилни механизми за вклучување на младите во процесите на донесување одлуки.
Разговорот нуди поширока слика за предизвиците со кои се соочуваат младите денес, но и за можните решенија што би придонеле кон подобрување на нивната позиција во општеството.
