Во новото издание на емисијата „Мој збор“ гостува Живко Гроздановски, македонски писател и претседател на Друштво на писатели на Македонија. Во разговорот се отвора едно од најчестите, но и најконтроверзни прашања во современата книжевност – која е разликата помеѓу автор и писател и дали секој што пишува и објавува книги може да се нарече писател.
Во време кога издавањето книги станува сè подостапно, а книжевната сцена е преплавена со различни жанрови, стилови и авторски пристапи, емисијата се обидува да даде поширок поглед на значењето на поимите „автор“ и „писател“, но и на критериумите што ја определуваат книжевната вредност.
Преку разговор со Гроздановски, се отвораат прашања за улогата на книжевноста денес, односот меѓу талентот, образованието и искуството, како и местото на писателот во современото општество и култура.
