За да бидеме продуктивни, фокусирани на работа и креативни, потребни ни се одредени услови. Еве што според учењето за фенг шуи никогаш не треба да го држите на вашата маса:
Остатоци од храна
Според фенг шуи, нередот акумулира негативна енергија која лошо влијае на здравјето, продуктивноста, благосостојбата…
Од друга страна, преостанатата храна на трпезата лесно може да привлече инсекти и бактерии, па фрлете се што не јадете! Ставете ја корпата за отпадоци под маса и фрлете се што не ви треба и тоа ви пречи.
Премногу канцелариски материјал
Покрај тоа што е преполна маса е најголемата грешка според фенг шуи, големата количина на работи ве спречува да се фокусирате бидејќи секоја ставка ви го привлекува вниманието.
Ова значи дека вашиот мозок е потешко да ги филтрира информациите, што е проблем ако се обидувате да завршите некоја работа или да се фокусирате на некој проект.
Ставете хартии во врзива, пенкала и маркери во чаша, спојници, ножици и слично во фиока. Работниот простор треба да се прегледа и треба да имате слободен простор за работа на него.
Премногу фотографии
Подобро е да чувате фотографии дома отколку на работното место, но ако навистина сакате, одберете само една – од вашето дете, семејството или саканата личност.
Канцеларијата е место каде се работи, па најдобро е да не ги чувате работите кои ви го одвлекуваат вниманието во таква средина.
Освежувачи на простор
Одредени мириси можат да ја зголемат продуктивноста и концентрацијата. Но, ако работите во иста просторија со колегите, можеби нема да им се допадне мирисот што го сакате.
За да не ги „задушите“ со вашите ароми, ставете шише со етерично масло на масата и кога сакате помирисајте го неколку пати.
Козметика
Многу луѓе сакаат да чуваат крем за раце, средство за дезинфекција, дезодоранс, турпија за нокти и слично на масата, но овие предмети сепак треба да се наоѓаат во фиокa.
Бирото треба да биде организирано, а не потсетник да ги намачкате рацете или да ги мачкате ноктите.
