Секој човек има потреба од работа и одмор. Работата и одморот се две страни од една иста паричка.
Сепак некои луѓе и покрај тоа што одат на одмор, немаат прилика да се рекреираат и да го искористат одморот во својата суштинска смисла.
Ви предлагаме неколку постулати кои треба да ги имате на ум кога го организирате вашиот одмор:
- Друштво
Внимателно изберете го своето друштво за одмор. Бидејќи ако немате заеднички интерес со другите, не можете ни да се договорите лесно за заедничките активности.
Ако некој ве иритира, а е со вас на одмор, нема да можете да си го осигурате својот душевен мир.
Имајте на ум дека со друштвото на одмор ќе треба да бидете постојано заедно 24 часа на ден, а потоа одговорете си дали можете да уживате и да се опуштите целосно во одморот.
- План
Иако не можете да испланирате се до детаљ, држете се до некој план.
Организирајте го времето за плажа, за социјални активности, за самите себе, за спиење и сл.
Без план ќе имате чувство дека одморот ви пролетал брзо, а вие не сте ги исполниле своите цели.
- Време за себе
Иако на одмор одиме со поголемо друштво, тоа не значи дека треба постојано да се прилагодуваме на групните активности.
Одвојте си време за себе, направете го тоа што ве усреќува, прочитајте книга, медитирајте, собирајте каменчиња на плажа, или нуркајте во вода.
Секој заслужува да си пружи внимание себе си.
- Слобода
Иако туристичките агенции ќе ви дадат понуда од соништата, економичнa и навидум ја препуштате целата организациска работа на професионалци, сепак тоа ќе ви одземе многу од вашата слобода.
Изборите ви се ограничени, времето, патувањето, храната и уште многу други работи.
Најубаво патување е онаа во кое имате слобода да посетите тоа што сакате, да изберете јадење какво што сакате, да можете да менувате сместување доколку нешто не ви се допадне и секако да не мора да се социјализирате со куп непознати луѓе кои ја користат истата услуга и понуда.
