Ако се чувствувате како некој да ви ја извадил целата животна енергија и радост од вас, ако често сте во вител на мисли што не можат да се запрат, ако имате проблеми со спиењето, ако сте раздразливи, емотивни и кавгаџиски настроени, а пријателите ве гледаат вознемирени често, ако се чувствувате дека сте близу до точка на пукање и не си признавате пред себе – одморот е нешто што итно ви треба.

Одмор сега! Одмор по секоја цена! Запомнете, ние не живееме за да работиме, туку работиме за да растеме, да се развиваме и да си ги даваме самите задоволства од кои всушност се ткае овој живот.

Затоа ви подготвивме неколку совети за тоа како да се ресетирате секој ден со само неколку кликања. Ако канцеларијата е во нашиот џеб денес, тогаш забавата мора да биде при рака:

Пет ефикасни начини да го канализирате стресот и да му пружите на вашето тело и дух вистински одмор

Рецепти за готвење кои инаку не би ни паднале на ум

Готвењето е инаку многу забавна и релаксирачка работа доколку се препуштите на тоа. Ова значи дека ги фокусирате сите сетила и целото внимание на зачините, сецкањето, зголемувањето и намалувањето на огнот, мерењето на мерните чаши и дози кои ги ставате а тоа е вистинска уметност. Сега каналите за готвење се подостапни од кога било. Осмелете се да направите јадење за кое никогаш порано не сте размислувале, од кујна за која не знаете ништо. Тоа ќе биде проект што може целосно да ве вовлече во свет каде мозокот ви се одмора додека непцето и чувството за мирис се на посебно патување.

Составување плејлиста за релаксација

Дали знаевте дека истражувањето спроведено од ланецот хотели Травелџ покажа дека Адел убедливо не релаксира најмногу од сите други популарни изведувачи. Не е ни чудо што, со нејзините балади, треба само да се завиткате во ќебиња, тажно да погледнете низ прозорецот и да се препуштите на спомените. Емоциите во гласот на таа жена се толку силни што може да не одведат со километри од местото каде што сме. И замислете дека имате цела таква плејлиста? Зошто да не го направите тоа сами. Плејлистата на вашите песни во која со едноставен клик на копчето за репродукција, сè околу вас исчезнува. Кого би ставиле на оваа листа освен Адел?

Смеа, смеа, смеа и само смеа

Не ве интересира ништо, а најмалку смеењето? Дали знаевте дека постои дури и терапија со смеа за ослободување од стресот, како и дека смеењето го продолжува животот? Потикнувајте го смеењето и ослободете се ефиксно од стресот.

Разговарајте со луѓе кои се „кул“

Сигурно има такви луѓе во вашиот живот кои се однесуваат како да немаат никакви грижи на светот. Иако ова веројатно е далеку од вистината, тие се луѓе кои едноставно имаат спокој во духот во себе и малку што може да ги извлече од колосек. Чувајте ги, тие се повредни и од злато!

Јога

Непотребно е да се нагласат, сите придобивки од јогата и медитацијата. Од фактот дека е многу здраво за нашиот ум и за нашето тело, за исцрпениот рбет и слабиот нервен систем, јогата нè учи да не дозволуваме мисли и обврски да не контролираат, но ние да ги контролираме. Неколку часови по јога и медитација значително може да ви го сменат животот.