Што не им се допаѓа на кучињата?
- Гушкање
Иако е навистина тешко да му одолеете и да го прегрнете вашето куче, особено ако било толку послушно за време на тренинзите, реалноста е дека кучињата не сакаат прегратки.
Ставајќи ги рацете околу вратот или телото на кучето, тоа може да го смета за закана, особено ако доаѓа од некој што не го познава доволно добро.
- Заканувачки личен простор
Како што не сакаат прегратки, така и кучињата не се љубители на близок контакт лице в лице со луѓето. Навистина не им се допаѓа кога ќе го нападнете нивниот личен простор.
Избегнувајте да ја ставате раката над лицето на кучето, како и ненадејно да му се приближувате со глава и да му влезете во лицето.
Ова е особено важно ако кучето не ве познава доволно добро.
- Не им дозволувате да ја истражуваат околината
Факт е дека кучињата уживаат да одат на прошетки. Иако уживаат во вежбањето, тоа не е единствената причина. Тие користат прошетки за да ја истражуваат околината.
Додека повеќето луѓе го истражуваат светот околу нив првенствено со очите, кучињата тоа го прават со помош на носот. Доколку брзате со вашето домашно милениче за време на прошетката и не му дозволувате да застане, мириса и обележи територија, сметајте дека тоа нема да му се допадне.
- Недостаток на рутина и правила
Иако можеби не изгледа така, но правилата се навистина неопходни за секое куче. Ако вашето куче не се однесува како што треба, тоа е затоа што не сте го научиле на правилата што важат во вашиот дом.
Обуката е многу важна за секое куче и добро воспоставената рутина е она што тие најмногу го ценат. Ова се однесува на хранење и одење во исто време секој ден.
