Германскиот весник „Франкфуртер алгемајне цајтунг“ (ФАЗ) пишува во новото истражување за популарноста на руската вакцина Спутник V, која од недела во недела станува дел од програмата за вакцинација во се повеќе земји во светот.

ФАЗ наведува дека досега, 38 земји ја регистрирале руската вакцина.

Од земјите на Европската унија, Унгарија на некој начин прифати ризик од независна набавка на вакцини, а властите на таа земја потенцираа дека не сакаат да чекаат одобрување од Европската агенција за лекови, според ФАЗ.

Исто така, само овој викенд, Чешка ги иницираше првите разговори со рускиот претседател Владимир Путин за можноста за набавка на вакцините Спутник V.

Според германскиот труд, вакцината од руско производство е особено популарна меѓу, условно кажано, посиромашните земји, бидејќи дозите се прилично ефтини и може да се добијат за нешто помалку од 20 долари за две дози.

ФАЗ наведува дека руската вакцина е ценета и меѓу научниците, а доказ за ова тврдење е магазинот „Лансет“, кој потврди дека станува збор за ефикасна вакцина.

Сомнежот за руската вакцина неодамна го искажа претседателката на Европската комисија, Урсула фон дер Лајан, којa беше изненадена од фактот дека Русија нуди милиони дози на други земји, додека кампањата за вакцинација во матичната земја сè уште трае Пишува ФАЗ.

На овие изјави на претседателката на ЕК, одговорија од руското претставништво во Европската унија и истакнаа дека прашањето за вакцини против вирусот корона не треба да се политизира.

Како што истакнува ФАЗ, по објавувањето на написот во „Лансет“, руските научници, но и водечките луѓе на Русија, ја искористија можноста да се пофалат со написите во тоа престижно списание.

Рускиот претседател Владимир Путин ја пофали објективноста на „Лансет“, сепак, ФАЗ наведува дека е интересно што Путин, откако тој магазин објави одредени податоци за труењето на Навални, истакна дека не чита медицински списанија.

Сега, откако Спутник V постигна завиден успех, неговиот имиџ и дава можност на Русија да го подобри општото реноме на земјата.

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде