Сите информации што ги бара СЗО за да се потврди Спутник V, главната руска вакцина против коронавирус, досега не се испратени во Женева поради недоразбирање, изјави во вторникот портпаролот на Кремљ.
–Навистина, има одредени информации кои допрва треба да бидат доставени за сертификација, изјави за Интерфакс портпаролот на Кремљ, Дмитриј Песков.
Сè уште не сме го направиле тоа бидејќи различно разбравме за какви информации станува збор и како да ги пренесеме.
Тоа признание е невообичаено бидејќи Русија досега тврдеше дека Спутник V се уште не е одобрен од политички причини.
Европската агенција за лекови (ЕМА), исто така, сè уште не ја одобрила вакцината.
Експертите од двете агенции тврдеа дека вакцината не е одобрена поради некомплетна руска документација.
Експертите на СЗО треба да ја посетат Русија во јануари и да ги посетат капацитетите за производство на вакцини.
