Министерството за здравство на Русија регистрираше уште еден производител на вакцина против КОВИД 19 „Спутник V“, – компанијата „Генериум“, објави прес-службата на Министерството.
- Новиот производител значително ќе ги зголеми количините на вакцината, а со тоа и бројот на Руси вакцинирани против КОВИД19 – изјави Министерството.
Претходно, „Медгамал“ беше вклучен во филијалата на истражувачкиот центар за епидемиологија и микробиологија „Гамалеја“ и компанијата „Бинофарм“.
Да потсетиме, Министерството за здравство на Русија во август ја регистрираше првата вакцина во светот за спречување на КОВИД 19, која беше развиена од Центарот за истражување на епидемиологија и микробиологија „Гамалеја“ и произведена заедно со рускиот фонд за директни инвестиции.
Вакцината се вика „Спутник V“.
