Истражувачи од Универзитетот во Јужна Австралија ги проучувале ефектите на кафето кај 18.000 луѓе на возраст меѓу 37 и 73 години за да откријат дали омилен пијалок влијае на мозокот, поточно на обемот на мозокот и ризикот од деменција и мозочен удар.

Тие научиле дека вишокот кафе може да има лоши последици по здравјето на мозокот, а луѓето кои пиеле повеќе од шест шолји на ден имале 53% поголем ризик од деменција, како и помал волумен на мозок.

Откривме дека поголемата потрошувачка на кафе е значително поврзана со намален волумен на мозок. Во основа, конзумирањето на повеќе од шест шолји кафе на ден може да доведе до ризик од мозочни заболувања како што се деменција и мозочен удар – рече др. спец. Кити Фам, коавтор на студијата.

Едно едноставно нешто што можеме да направиме е да бидеме хидрирани и да не заборавиме да пиеме малку вода со шолја кафе – објасни професорката и коавтор на студијата, Елина Хејпонен.

Од друга страна, умерениот внес на кофеин е всушност позитивно поврзан со здравјето на мозокот.

Според истражувањето од 2010 година, пиењето од три до пет шолји кафе на ден било поврзано со намален ризик од деменција и Алцхајмерова болест за околу 65% подоцна во животот, пишува mbg.

ИЗВОРСтил - Курир
претходниот член,Промоција на три книги од Тихомир Јанчовски (ВИДЕО)
Следната статијаРецепт за супа со лук: Конзумирајте ја наместо антибиотици

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде