Голем дел од граѓаните од Источна Македонија одат на сезонска работа во Италија и Швајцарија, пренесуваат од Фактор, каде прво ги чистат лозјата, а потоа наесен и го берат грозјето.

Граѓаните од Виница, имаат автобуски превоз со кој патуваат до Италија, а освен сезонци од Делчево, нивни сопатници се и граѓани од Македонска Каменица, Кочани, Виница. Заминуваат и дел од жителите на Струмица.

Делчевци велат дека така ќе биде сѐ додека во земјава немаме доволно високи плати за пристоен живот. Според нивните кажувања, половина од жителите на градот одат на сезонска работа или пак ако не одат сега, тоа го правеле во минатото.

Објаснуваат дека за неколку месеци, заработуваат по 3.000-4.000 евра, со што егзистенцијата им е олеснета откако ќе се вратат во родниот град. На сезонска работа заминуваат невработени, вработени во приватен сектор, но се случува и луѓе кои имаат државна работа, да земат одмор и да одат на берба на грозје.

Тоа не е од сега, туку така е веќе 30 години, и не само од Делчево, на сезонска работа одат луѓето и од соседните градови. Денес секој сака да оди на одмор, да вози убав автомобил, да си ја среди куќата, а со овие плати тоа е тешко, вели жителка на Делчево.

ПРЕКУВработување
ИЗВОРФактор
претходниот член,Бразилскиот политичар Лула со осуда на западните лидери: Не го казнувате Путин, туку човештвото!
Следната статијаЈапонецот кој се ожени со холограм сега има проблеми во бракот! (ВИДЕО)

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде