Владите на Косово и Албанија одлучија на денешната заедничка седница во косовската престолнина да го укинат задолжителното регистрирање на граѓаните при премин на меѓудржавната граница во викендите и во текот на државните празници, јави дописникот на МИА од Приштина.

Како што беше објавено по денешната седница на двете влади, одлуката ќе биде во сила до 1 септември годинава, а за понатаму се подготвува нов договор, со други олеснувања за премин на границата меѓу двете држави.

Албанскиот министер за внатрешни работи, Бледар Чучи изјави дека оваа одлука е донесена со цел да се спречи создавањето колони на двете страни од границата во текот на летната сезона.

– Со овој протокол се пропишува дека до 1 септември, секој викенд и секој државен празник, на нашите граници државјаните на Косово и на Албанија ќе преминуваат без да имаат потреба од регистрирање од страна на пограничните органи, со цел да не се создаваат редици и доцнења на граѓаните од двете страни – изјави Чучи.

ИЗВОРНова Македонија
претходниот член,Природни состојки за разубавување на кожата кои можете да ги употребувате како додаток во вашата бања
Следната статијаГолемо покачување на цените на огревното дрво

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде