Цените на нафтата паднаа денес поради загриженост дека мерките против ширење на пандемијата во земјите низ Европа ќе ја ослабнат побарувачката за гориво, како и поради претседателските избори во САД оваа недела, пишува Ројтерс.
Земјите ширум Европа повторно воведоа мерки за заклучување за да се обидат да го забават ширењето на инфекцијата Ковид-19, бидејќи бројот на нови инфекции стабилно расте низ цела Европа.
–Цените на нафтата ќе паѓаат сè додека не се ограничи невиден пораст на нови коронавирусни инфекции, рече Стивен Бренок од нафтениот брокер PVM.
Глобалните нафтени компании очекуваат понатамошно опаѓање на побарувачката, иако проценките се разликуваат.
Витол проценува дека побарувачката ќе биде околу 96 милиони барели дневно (БПД) во текот на зимата, додека Трафигура очекува побарувачката да падне на 92 милиони БПД или помалку.
