Временските промени предизвикуваат многу проблеми, а бронхитисот, чир на желудникот и срцев удар се едни од најтешките болести кои се манифестираат. Честите и ненадејни промени во температурата, воздушниот притисок и нивото на влажност ја објаснуваат депресијата, дебелината и болните лузни, велат експертите од Универзитетот во Абердин.

Постарите срцеви пациенти најтешко се справуваат со временските промени, а во оваа категорија спаѓаат и астматичарите.

Кај постарите луѓе метаболизмот е побавен, па затоа посилно реагира на хормоналните промени предизвикани од порастот на температурата, поради што на нив најголемо влијание имаат наглите промени.

Според експертите, во чувствителната група спаѓаат оние помлади од 15 години бидејќи реагираат на влијанието на електромагнетните бранови кои се менуваат во согласност со растот на живата во термометарот.

Лузните печат 

Наглиот пад на атмосферскиот притисок, кој го придружува доаѓањето на бура, предизвикува затегнување и опуштање на оштетеното ткиво.

Со оглед на тоа дека не е еластичен, туку тврд и жилав, не се прилагодува на промените на притисокот што предизвикува затегнување на кожата. Дождот носи чешање и печење лузни.

Срцев удар

Ниските температури придонесуваат за згрутчување на крвта и го зголемуваат ризикот од коронарна и церебрална тромбоза, главните предизвикувачи на срцев удар.

Промената на температурата за кратко време од само неколку степени предизвикува стеснување на артериите, ограничен проток на крв и недостиг на кислород што стигнува до срцето, кое поради студеното време побрзо ја пумпа крвта за одржување на телесната топлина, тврдат експертите од Германски институт за проучување на влијанието на климата врз здравјето.

Ваквиот напор претставува голем ризик за здравјето на постарите луѓе кои покажуваат повеќе реакции на промената на времето.

Болки во зглобовите

Како резултат на атмосферските промени на воздушниот притисок се менува нивото на течност што ги опкружува зглобовите, што предизвикува болки во коските – објаснува Роберт Мутс, професор по ревматологија во британската болница „Аинтре“.

Мигрена

Ветровито време е исто така поттик за мигрена. Поради ветерот, крвните садови на хипоталамусот, центарот во мозокот одговорен за контрола на телесните функции, се стегаат и отекуваат, што предизвикува силна главоболка.

Воспаление на увото

Кога станува збор за луѓето кои живеат во повлажни области, американските експерти откриле дека имаат почести проблеми со надворешни инфекции на увото.

Влагата се собира низ ушниот канал, кој е соодветно живеалиште за развој на бактерии кои предизвикуваат воспаление.

Најчестите симптоми на инфекција на увото се брисеви и исцедок, а инфекцијата можете да ја спречите ако носите капа или штитници за уши.

Студот го парализира лицето

Многу ниските температури се поврзани со појавата на Белова парализа, оштетување на мускулите на лицето, тврдат британските експерти.

Како и грипот и настинката, тој е предизвикан од вирус кој е многу активен во зимските месеци и е фаворизиран од падот на живата во термометарот.

Затоа заштитете го лицето со топла марама во секоја ситуација.