Мотивацијата е конитивен дел од човечката психологија која има голем удел во личниот развој, но и статусот на поединецот во општеството.
Способностите на поединецот не може да бидат покажани и реалнизирани, доколку не постои мотивација која е основна движечка сила.
Мотивацијата може да направи просечни карактеристики да се развијат во извонредни, додека мрзеливоста може да предизвика нереализирање на талентите и потенцијалите кај личноста.
Затоа од исклучително значење е да се вежба мотивацијата со помош на едноставни техники:
Правете план на активности
Секој ден треба да се испланира и затоа е најдобро да имате листа на дневни активности што треба да ги обавите. Дневниот план не треба да биде ригиден и густ и да биде испланирано од минута во минута што ќе правите.
Доволно е да имате забележано во свеста кои се вашите дневни обврски, таа сама ќе ве наведе и насочи на акција.
Социјалните активности комбинирајте ги со дневните обврски
Трудете се дружењето со другите луѓе да го сведете на постигнување заеднички резултати. Наместо во кино, вашиот пријател може да го поканите на заеднички тренинг или заедничка работа на проект од кој и двајцата паралелно ќе учите и ќе се надоградувате.
Изберете си урнек
Изберете образец – на пример сакам да бидам како некој, во рок од некој временски период, или замислете се себе како би сакале да изгледате за неколку години. Тој идеал ќе ви биде гориво да наоѓате начини и да постигнувате успеси.
Со јасна слика за себе, верувајте дека ќе го постигнете она што сте го замислиле.
Опкружете се со личности кои се борбени
Мрзливи луѓе кои постојано се автовиктимизираат се лошо енергетско јадро што само ќе ве однесе во деструкција. Имате комплетна слобода да изберете со кој ќе бидете опкружени, па затоа внимателно бирајте кој ви е пријатен во друштво.
Не плашете се дека ќе останете сами, на крајот од краевите подобро е сам оттколку со лошо друштво.
