Новогодишната ноќ и прославата на разни свечености се поврзуваат со огномети и петарди, а многу сопственици се плашат како нивните миленици ќе се справат со овие интензивни звуци. Ова е време кога милениците најчесто се губат, бидејќи тие инстинктивно знаат да побегнат од претрпениот страв.

Многу животни се плашат од бучава и гласни звуци како што се пукаат петарди, па затоа е неопходно да се посвети посебно внимание на милениците во периодот на новогодишните веселби. Следниве неколку совети ќе ви помогнат да ја осигурате безбедноста на вашето домашно милениче.

КУЧИЊА

– Не го оставајте вашето куче само надвор без надзор, дури и ако дворот е добро ограден и кучето е на поводник. Животното може да паничи, да го скрши синџирот и да побегне или може да се повреди или да се задуши ако се заплетка во синџирот.

– Обезбедете му на вашето домашно милениче прошетка и рекреација во текот на денот. Избегнувајте да го пуштате од поводник, особено ако паѓа снег или навечер.

– Не го шетајте вашето куче кога ќе слушнете петарди или звук на огномет надвор. Многу кучиња се многу исплашени од овие звуци, па во паника може да го скинат поводникот, да избегаат и да се изгубат.

Ова е најчестиот начин да изгубите домашно милениче за време на новогодишните празници.

– Затворете ги сите прозорци и спуштете ги завесите, а во периодот кога се слушаат петарди и огномети, засилете ја музиката или вклучете го телевизорот, за звуците што доаѓаат однадвор да бидат помалку чујни.

– Дозволете му на вашето куче да бара засолниште под креветот или во аголот на собата доколку сака.