Најмалку 24 Иранци се соочуваат со смртна казна за учество во протестите во кои ја критикуваа владата, наведено е во извештајот објавен денеска.

Иранскиот дневен весник „Етемад“, објави список составен од судските власти на кој се наведени 25 демонстранти обвинети за „водење војна против Бог“, обвинение кое се казнува со смрт според исламскиот закон.

Раперот Мохсен Шекари, кој исто така е на списокот, обвинет за напад на чувар со оружје, поттикнување тероризам и блокирање на пат, беше погубен во четвртокот.

Правосудните органи најавија дека егзекуциите ќе продолжат.

Сепак, во извештајот, „Етемад“ апелираше до судот да ги преиспита смртните казни и да избегне понатамошни егзекуции.

Егзекуцијата на Шекари наиде на остра осуда во Иран и во странство. Но, политичките лидери на Иран, вклучително и претседателот Ебрахим Раиси, ја опишаа егзекуцијата како легитимен одговор на немирите низ целата земја.

Во меѓувреме, Иранците во странство планираат да одржат серија протестни собири на крајот на неделата.

Протестите беа предизвикани од смртта на иранската Курдка Махса Амини на 16 септември. Таа почина во полициски притвор откако беше уапсена поради кршење на исламскиот кодекс на облекување.

ИЗВОРФокус
претходниот член,Синдром Манхаузен: Ментално растројство на личност кое се манифестира со постојана потреба од туѓо сожалување
Следната статијаН.П Галичица стана репродуктивен центар за европски елен

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде