Грција привремено го укинува задолжителниот европски сертификат за вакцинација, прележан ковид-19 или негативен тест за влез во земјата, јави дописничката на МИА од Атина.

Од Министерството за здравство на Грција соопштија дека надлежната Комисија на епидемиолози на денешниот состанок препорачала „суспензија на ковид пас од 1 мај и враќање на исполнетоста на објектите на 100 отсто од капацитетот, суспензија на сертификатот од EUDCC на влезните точки во земјата“, а останатите одлуки се однесуваат на тестовите за невакцинираните вработени.

Сите препораки на комисијата биле прифатени од Владата, а од Министерството за здравство на Грција додаваат дека деталите ќе бидат објаснети во новата министерска одлука што ќе биде објавена во Службен весник на Грција.

Последната вакава одлука е во сила до 1 мај во шест часот наутро.

Пред две седмици, министерот за здравство соопшти дека од 1 мај до 31 август привремено се укинува и задолжителниот сертификат за влез во речиси сите затворени објекти во земјата.

ИЗВОРНова Македонија
претходниот член,Утре децата се враќаат во училишните клупи: СОНК го стави штајкот во мирување
Следната статијаДенеска во Скопје, ќе се прска против комарци

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде