Европскиот парламент гласаше за построги барања поврзани со енергетската ефикасност на зградите.

Поточно, станбените згради треба да постигнат најмалку „Е“ класа на енергетска ефикасност до 2030 година, а „Д“ класа до 2033 година. Слично како кај апаратите за домаќинство, енергетската ефикасност треба да биде прикажана на скала од „А“ до „Г“.

Покрај тоа, европратениците во вторникот гласаа 343 за, 216 против и 78 воздржани за да се осигура дека од 2028 година ќе се градат само домови кои практично не испуштаат дополнителни стакленички гасови.

Европските парламентарци со тоа го отворија патот за преговори со земјите-членки на ЕУ за овој план, пишува MarketScreener. Се додава дека националните влади го договориле својот став уште во октомври.

Најавениот план, инаку, неодамна беше предмет на контроверзии поради можните високи трошоци за сопствениците на куќи. „Тоа ќе ги преоптовари сопствениците на куќи“, рече Маркус Пипер од германската партија ЦДУ.

Од друга страна, германската европратеничка Јута Паулус од Партијата на зелените нагласи дека целта на претстојните преговори е масовно да се намали потрошувачката на енергија во зградите.