Менталното здравје на децата од повозрасните училишни групи особено се подобрува со јадење добар појадок и ручек, како и дневен внес на овошје и зеленчук, според студијата на 9.000 деца во Велика Британија, спроведена на Универзитетот во Источна Англија во Норвич.
Проф. Аилса Велч, водачот на објавената студија, вели дека исхраната на децата има многу, па дури и повеќе ефекти врз менталното здравје на децата отколку дали тие се сведоци на родителски кавги или дури и насилство.
Според студијата, децата кои го прескокнуваат појадокот се со полошо ментално здравје, а децата кои консумираат пет или повеќе порции овошје и зеленчук дневно имаат најдобри резултати од тестовите.
–Врската помеѓу исхраната и физичкото здравје е добро позната, но до денес не се знае многу за улогата што исхраната ја игра во емоционалното задоволство на детето, вели Велч.
Се повеќе се препознава важноста на менталното здравје и радоста на рана возраст, особено затоа што проблемите со менталното здравје на адолесцентите често продолжуваат во зрелата возраст и водат до послаби животни резултати и достигнувања.
