Како основа на многу работи во општеството, психологијата на боите има свои корени во еволуцијата.
– И кај животните и кај луѓето, црвената боја може да укаже на ослободување на хормони поврзани со агресија и да служи како сигнал за доминација на другите – вели д-р Џенифер Хатема.
– Многу студии го документираа „црвениот ефект“ според кој спортистите или тимовите што носат црвено се чини дека имаат мала предност во однос на другите бои.
Користејќи го овој принцип на психологијата на боите, носењето боја како црвената може да ни користи во моменти кога ни е потребна дополнителна самодоверба.
Постојат вообичаени бои кон кои луѓето се стремат кога сакаат да предизвикаат одредени чувства: силни и моќни (црвена, црна, темно виолетова), забавна и разиграна (портокалова, жолта, светло зелена) и тажна (сива), пишува Real Simple.
