Забавувањето на индустриската активност поради пандемијата ги намали емисиите на стакленички гасови кај многу загадувачи, но сепак не влијаеше на рекордните нивоа на јаглерод диоксид во атмосферата, објави вчера Светската метеоролошка организација (СМО).
Рекордни нивоа на стакленички гасови ја задржуваат топлината во атмосферата, ги зголемуваат температурите и поттикнуваат екстремни временски услови, топење на мразот, покачување на нивото на морето и закиселување на океанот, соопшти СМО, истакнувајќи дека јаглерод диоксидот останува во атмосферата со векови, а во океанот уште подолго.
–Нивото на јаглерод диоксид забележа значителен раст минатата година, а глобалниот просек на загадување на воздухот беше значително поголем од дозволеното. Растот продолжи и во 2020 година … Пандемијата не е решение за климатските промени, изјави генералниот секретар на СЦО Петери Талас во соопштение за јавноста.
За време на забавувањето на индустриската активност за време на пандемијата, глобалниот јаглероден проект (ГЦП) процени дека дневните емисии на СО2 може да се намалат до 17 проценти ширум светот.
–Бидејќи времетраењето на пандемијата и мерките против ширење на вирусот се уште се неизвесни, многу е тешко да се предвиди вкупното годишно намалување на емисиите на СО2 за 2020 година, сепак, прелиминарните проценки предвидуваат намалување помеѓу 4,2 и 7,5 проценти во споредба со нивото на 2019 годинa, посочува ГЦП.
