Првата недела од ноември ширум светот е посветена на пациенти со акромегалија – хронична болест во која бениген тумор на хипофизата произведува и ослободува прекумерен хормон за раст во крвотокот, што доведува до зголемен раст на рацете, нозете, носот, лобусите на ушите, јазикот.
Иако акромегалијата спаѓа во групата ретки болести, сепак има пациенти низ светот кои се лекуваат токму од оваа болест.
Поради својот бавен тек, оваа болест останува непризнаена подолго време.
Голема количина на хормон за раст во крвотокот во детството доведува до појава на гигантизам, болест која се карактеризира со прекумерен раст, сè додека не се затворат зоните на раст во коските.
