Стресот може да има големо влијание врз функционирањето на телото.
Може да застане на патот на квалитетен сон, да има последици по здравјето на дигестивниот систем, па дури и да влијае на прескокнување на менструалниот циклус.
Бидејќи стресот влијае многу на нас во секоја смисла, разбирливо е зошто многумина се заинтересирани за одговорот на прашањето – дали стресот може да доведе до треска, односно дали неговите симптоми ги имитираат оние на вистински болести.
Имено, истражувањето за врската помеѓу стресот и температурата – особено видот на треската наречена „психогена треска“ – не е доволно елаборирано, но ние ви ја пренесуваме врската што експертите се обидуваат да ја објаснат.
Дали стресот може да предизвика треска?
Прво, да разјасниме што е “покачена температура” воопшто. Возрасно лице има треска кога неговата телесна температура е над 37,2 ° C до 37,5 ° C, во зависност од времето на денот.
Иако се смета дека нормалната телесна температура е околу 37,2 ° C, регуларниот опсег е некаде помеѓу 36,1 ° C и 37,2 ° C.
Треската обично укажува на инфекција или друга болест и нема значајно истражување што докажува каква било поврзаност помеѓу стресот и порастот на телесната температура, вели лекарот Доналд Форд за здравство.
- Стресот може да предизвика некои физиолошки промени како што е руменило. Но, тоа не влијае на температурата на телото.
