Швајцарскиот суд пресуди во корист на Lindt & Spruengli. Највисокиот швајцарски суд во четвртокот пресуди дека германскиот ланец на супермаркети Лидл треба да престане да ги продава чоколадните зајачиња на Lindt & Spruengli, обвиткани со фолија, бидејќи заслужуваат заштита на авторските права.
На Lidl му е наредено да престане да продава сличен производ во Швајцарија и да ги уништи залихите.
-Истражувањето презентирано од Линдт покажува дека нејзиното чоколадно велигденско зајаче е добро познато на јавноста“, соопшти швајцарскиот суд, додавајќи дека потрошувачите најверојатно ќе го помешаат со она на Лидл, и покрај некои разлики.
Сојузниот суд на тој начин ја укина минатогодишната пресуда на трговскиот суд во корист на две швајцарски филијали на германски Лидл и им нареди да ги уништат залихите на чоколадни зајачиња, пишува магазинот „Феникс“, пишува Н1 Хрватска.
-Уништувањето (залихите) е адекватна одлука, особено што не мора да значи дека чоколадото мора да се уништи, се објаснува во пресудата.
Швајцарскиот производител на премиум чоколади Линдт водел многу судски битки за да го заштити еден од своите најпродавани производи. Германскиот сојузен суд минатата година пресуди дека златниот тон на фолијата во која се завиткани велигденските зајачиња на Линд е заштитена со заштитен знак.
