Православната црква го слави Свети Николај Чудотворец, еден од најголемите христијански светители, заштитник на патниците, морнарите, рибарите и сплаварите.
Свети Никола, Архиепископ Мирликиски, се празнува низ целиот христијански свет. Во земјите од Западна Европа се слави како детски празник, бидејќи тогаш децата, доколку биле послушни, добиваат подароци.
Свети Никола паѓа за време на големиот божиќен пост, па верниците подготвуваат исклучиво риба и друга посна храна.
Свети Никола се смета за чудотворец и заштитник на сиромашните, поради една посебна причина.
- Поделен имот на сиромашните
Својот духовен живот го започнал во манастирот Нов Сион, каде што се замонашил. По смртта на неговите родители, целиот наследен имот го подели на сиромашните.
Според легендата, воден од чудесен глас, тој тргнал да шири вера, правда и милост на луѓето, а со својата појава веќе донел утеха, мир и добра волја.
Народно се верува дека Свети Никола ноќта спроти празникот ги посетува добрите деца и им дели подароци. И денес многу деца ги чистат чевлите и ги ставаат под прозорците, очекувајќи подарок од светецот. Во некои делови е одржан обичајот да им се подаруваат подароци на децата на денешниот празник, бидејќи Свети Никола е нивен заштитник.
Според традицијата, денес никогаш не треба да перете алишта, да ја чистите куќата и да работите секакви домашни работи.
