Над 25.000 тони пластичен отпад создаден во пандемијата (маски, ракавици и сл.) го загадува глобалниот океан, се наведува во студијата објавена во американското научно списание PNAS, пренесува порталот Axios.
Се нагласува дека пластичниот отпад претставува голема закана за морскиот свет, како и дека само минатата година во океаните завршиле околу 1,6 милиони заштитни маски.
Пандемијата само ја зголеми побарувачката за пластика за еднократна употреба и овој проблем, кој веќе беше надвор од контрола, станува се поголем, пишуваат истражувачите.
Над осум милиони тони пластичен отпад се произведени ширум светот за потребите на пандемијата поврзана со пандемијата.
Најголем дел од тој отпад доаѓа од болниците и главно се акумулира на морските брегови и плажите.
Научниците предупредуваат дека овој отпад може да лебди далеку и да се сретне со диви морски животни. Како резултат на тоа, тие се изложени на повреди, а може да дојде и до смрт:
–Пластичните остатоци, исто така, би можеле да ја олеснат инвазијата на одредени животински видови, да го пренесат загадувањето, па дури и корона вирусот.
