Четири случаи на семејно насилство синоќа биле пријавени во полицијата. Во два одделни настани деца ги нападнале мајка си и татка си, додека во останатите момче ја нападнал својата девојка, а маж сопругата.

Како што информираат од полицијата, вчера на пладне во Велес, приведен е Н.П.(22) од градот затоа што се однесувал агресивно во семејниот дом и се обидел со остар предмет да ја нападне неговата 45-годишна мајка.

Во Кичево околу 21 часот приведен е Б.А.(34) од кичевското село Јагол кој, претходно, физички и со тврд предмет го нападнал неговиот татко.

Истовремено, во Струмица бил извршен службен разговор со В.Т.(34), затоа што претходно физички нападнал 37-годишна струмичанка со која бил во врска.

Последната пријава е по 3 часот во Скопје, пришто приведен е 69-годишник кој физички ја нападнал неговата 53-годишна сопруга.

По целосно документирање на случаите ќе бидат поднесени соодветни поднесоци, велат од МВР.

Вчера полицијата информираше за пет други случаи на семејно насилство.

ИЗВОРНова Македонија
претходниот член,Семеен терапвет открива: Колку време треба да помине пред да ги запознаете децата со новиот партнер?
Следната статијаРасте побарувачката за пакетски услуги во А.Д. Пошти

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде