Нема начин во оваа фаза да се каже „да“ за почетокот на преговорите меѓу Македонија и ЕУ, изјави бугарската министрска за надворешни работи. Екатерина Захариева, нагласувајќи дека Бугарија не ги оспорува јазикот и современиот идентитет на населението.

Ние ја изразивме нашата позиција многу јасно. Сега тоа е видливо во јавноста. Уште минатата година, Владата достави декларација до парламентот, која беше поддржана од сите партии. Значи, нашиот став за Македонија не е нов, како што тврдат некои. Мислам дека имаме обединување на оваа тема – рече министероката за „БТВ“.

Таа посочи дека е во интерес на Бугарија сите земји од Западен Балкан да влезат во ЕУ.

Во моментов, Бугарија не е во можност да ја одобри рамката за преговори со Северна Македонија. Постои Договор за пријателство и добрососедство, кој беше потпишан во 2017 година и ратификуван во 2018 година, но тој не се спроведува – рече Захариева.

Таа повтори дека и покрај шпекулациите во Македонија, Бугарија нема претензии за тоа како да се определуваат граѓаните на оваа република, но и Македонците не треба да имаат претензии за бугарската историја.

ИЗВОРНова Македонија
претходниот член,ЕУ не дозволува регионална интеграција независна од нејзина арбитража
Следната статијаХашим Тачи поднесе оставка, ќе биде гонет за воени злосторства

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде