Шолја кафе, секојдневната рутина со која многумина го започнуваат денот, ги чини македонските граѓани за 18,3 отсто поскапо отколку една година порано. Граѓаните на ЕУ, пак, пијат кафе поскапо за 16,9 проценти, покажуваат податоците на Евростат за август 2022 година, споредено со истиот месец лани.

За оние кои го пијат кафето со млеко или шеќер, овој утрински ритуал може да биде уште поскап и да стане луксуз бидејќи цените на тие артикли се зголемени уште повеќе во текот на изминатата година. Цената на свежото полномасно млеко во Северна Македонија е зголемена за 29 отсто, а на шеќерот за 58 проценти.

Во земјите од ЕУ, пак, во просек млекото поскапело за 24,3 отсто, а шеќерот за 33,4 отсто, најмногу во Полска за дури 109,2 проценти.

Според податоците на Евростат, цените на кафето, млекото и шеќерот се зголемиле во сите земји-членки на ЕУ, освен во Малта.

Кафето најмногу поскапело во Финска (43,6%), во Литванија (39,9%) и во Шведска (36,7%)

Млекото во Литванија (58,2%), во Хрватска (41,2) и во Естонија (38,9%).

Шеќерот, пак, во изминатата година најмногу поскапел во Полска (109,2%), во Естонија (81,2%), Летонија (58,3%) и во Бугарија (44,9%).

ИЗВОРФокус
претходниот член,Престанува да важи одлуката за ограничен извоз на пченица и брашно!
Следната статијаПет реченици кои секојдневни си ги изговараме, а кои влијаат како психолошки блокатори на успехот

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде