Ако сте еден од овие луѓе, ова се можеби причините зошто не сакате да пиете кафе.
Причини зошто кафето предизвикува анксиозност
Како вашето тело реагира на кофеинот зависи од голем број фактори, како што се колку пиете, колку сте чувствителни, време од денот кога пиете кафе и дали земате некакви лекови.
Кофеинот е природен стимуланс и еден од неговите главни ефекти е да ги блокира рецепторите на аденозин, предизвикувајќи зголемување на допаминот, норепинефринот и глутаматот, изјави нутриционистката Ламорна Холингсворт за Mirror.
Постојат голем број сличности помеѓу симптомите на анксиозност и симптомите на премногу кофеин
Во кардиоваскуларниот систем, ова го зголемува крвниот притисок и отчукувањата на срцето на човекот. Во централниот нервен систем, помалите дози на кофеин може да ја подобрат моторната активност и будноста, но консумирањето повисоки дози може да предизвика симптоми на анксиозност – додаде таа и продолжи:
Кафето почнува да влијае на вашето тело речиси веднаш, а овие ефекти го достигнуваат својот врв за еден час. Кофеинот има елиминација од околу пет часа, што значи дека на вашето тело му е потребно време да елиминира половина од лекот – продолжува Холингсворт.
За некои од нас идејата за кафе после вечерата е сигурен начин за немирен сон. Но, за други, двојното еспресо е совршен начин за завршување на вечерниот оброк
Забрзано чукање на срцето и чувство на немир
Други симптоми на премногу кофеин вклучуваат гадење, вртоглавица и несоница. Како што забележува Холингсворт, она што прави премногу кофеин за една личност нема да биде исто за некој друг.
Како да се справите со анксиозноста предизвикана од кафе
- Јадете балансирани оброци
- Ограничете ја потрошувачката на кофеин и алкохол
- Вежбајте често – дури и кратка прошетка може да биде корисна
- Земете длабок здив, вдишете и издишете полека
- Дознајте како потрошувачката на кафе влијае на вашето тело со водење дневник за тоа колку, кога и симптомите што ги доживувате
- Размислете за квалитетот и квантитетот на спиењето
- Разговарајте со пријателите, семејството или здравствен работник
- Целосно префрлете се на опции без кофеин или избегнувајте кофеин после ручек
