Познатиот српски академик, невропсихијатар и писател Владета Јеротиќ (1924-2018) презентираше низа исклучително важни факти за воспитувањето на детето.
Според Валдета Јеротиќ кога ќе се роди дете, наликува на некого, на неговиот татко или мајка. И тоа им е важно. И тогаш родителот, иако несакајќи, повеќе го сака детето кое физички повеќе личи на него отколку останатите негови деца, а особено ако има и заеднички психолошки карактеристики.
– Претходно како психијатар можев да ги прашам родителите со две-три деца: „Кое дете најмногу го сакаш?“. Речиси секој би рекол – подеднакво. И мајката и таткото се колнат во тоа, но секако дека не е вистина. Такво нешто не постои – тврдеше Јеротиќ.
– Ако има две деца, тогаш е добро што мајката го сака едното, а таткото другото. Затоа што ако и двајцата претпочитаат едно, ќе го почувствуваат и другото.
– Еве, да ја земеме мајката сега. Таа, пред се, го сака детето затоа што има нејзини карактеристики. Но, второ, таа го сака затоа што го сака сопругот со кој доброволно го родила тоа дете. Но, третото, највозвишеното, е кога мајката го сака своето дете како посебно, ново и мистериозно суштество, без оглед на препознатливите добри и лоши особини на себе и на нејзиниот сопруг кај детето.
