Џејк Саливан, советник за безбедност на американскиот претседател Џозеф Бајден, рече дека Кина има уште еден избор

– или да дозволи уште една меѓународна истрага предводена од Светската здравствена организација за потеклото на коронавирусот на нејзината територија или да биде изолирана од светската заедница.

На прашањето дали американскиот претседател ќе инсистира на уште една меѓународна истрага за потеклото на коронавирусот во Кина, односно за нејзината независност, Саливан одговори дека за ова се дискутирало на неодамнешниот самит на Г7 и дека Бајден ги убедил своите соговорници да ја посетат Кина.

Според Саливан, на Пекинг му бил даден ултиматум, или да ги исполни барањата и да им овозможи на истражувачите да извршат вистинска работа со цел да откријат од каде навистина потекнува ковид-19, или да се соочат со изолацијата на меѓународната заедница, пренесуваат светските агенции.

Претходно детална и траспарентна истрага за потеклото на коронавирусот од Кина бараше и ЕУ, но не ги нагласи санкциите што планира да ги воведе поради кршењето на меѓународните односи од страна на Кина.

Досега сите официјални истраги потврдија дека коронавирусот прв пат се појавил на пазар за животинска храна во кинеската провинција Вухан и преминал од животно на човек.

САД од почетокот покажуваше сомнежи кон ова тврдење, а Бајден повторно бара експертска и независна истрага за потеклото на коронавирус.