Од секој неуспех, учиме две вредни лекции – дека има барем една причина зошто не сме успеале и дека можеме да се обидеме повторно.
Еве 3 причини поради кои може да доживеете неуспех:
- Недостаток на упорност
Повеќе луѓе не успеваат не затоа што им недостасува знаење или талент, туку затоа што се откажале. Важно е да запомните дека треба да сте упорни во она што мора да се направи и да се спротивставите на она што не треба да се направи.
Упорноста е важна, но повторувајќи ги истите активности одново и одново, веројатно нема да ве приближи до вашата цел.
Погледнете ги претходните неуспеси и одлучете што треба да промените. Продолжете да правите прилагодувања и корекции, користејќи го вашето искуство како водич.
- Недостаток на дисциплина
Секој кој постигнал нешто вредно, никогаш не го сторил тоа без дисциплина. Дисциплина во самоконтрола, жртвување и фокус.
Не бидете перфекционист со креирање на идеализирана визија за тоа како ќе изгледа успехот. Иако тоа може да биде мотивационо, можеби не е реално.
Бидете јасни за реалните потреби за остварување на вашите цели и не фокусирајте се на површните детали.
- Мала самодоверба
Малата самодоверба е недостаток на самопочитување. Луѓето со мала самодоверба постојано се обидуваат да се пронајдат себеси, наместо да ја создадат личноста која сакаат да бидат.
Не се етикетирајте како неуспешни. Можеби не успеавте во првите обиди, но не сте неуспешни се додека не престанете да се обидувате.
Гледајте на себе си како на некој што сè уште се стреми кон цел. На тој начин, ќе ја одржите трпеливоста и упорноста подолг временски период.
