Мала љубомора е пожелна во врската, бидејќи тоа значи дека љубовта е присутна, но исто така ве тера да ја цените и заштитувате вашата сакана повеќе.
Љубомората е крајно тешко да се контролира.
Кога работите ќе излезат од контрола, љубомората лесно може да ја уништи вашата врска и да ви го наруши умот.
Додуша, не е лесно да се постави граница помеѓу здравата љубомора и онаа што станува токсична.
Ако и дозволите, љубомората може да доминира во вашата врска.
Душкање по телефон на партнер, неконтролиран гнев и физичко малтретирање се испади на оваа одлика.
Фокусирајте се на себе, не на вашиот партнер
Најдобар начин да се ослободите од љубомората е да погледнете во себе, а не кон партнерот.
Не можете да ја промените саканата личност, но можете и самите да се промените.
Концентрирајте се да го направите вашиот живот побогат и исполнет.
Јасни граници
Треба да има јасно утврдени граници во секоја врска. Ако има договор меѓу вас да не ги меркате луѓето од спротивниот пол кога сте во јавност, и двајцата треба да се држите до тоа.
Ова ќе ви заштеди многу сцени и непријатности. Ако прескокнете да кажете што ви пречи, вашиот партнер може да помисли дека прифаќате одредена форма на неговото однесување.
Откријте што е причина за љубомора
Ова е важен чекор затоа што може во голема мера да ве ослободи од љубомора во иднина. Дали вашиот партнер го остава телефонот на масата кога оди во тоалет или го носи со себе?
Дали имате пристап до неговите социјални мрежи или сите се наоѓаат под тајни лозинки?
Дали тој има поранешна девојка со која повремено се спријателува без вас?
Накратко – дали тоа ви дава причина да бидете љубоморни. Ако одговорот е не, тогаш престанете со тоа.
