Светската здравствена организација (СЗО) соопшти дека минатата недела на глобално ниво се регистрирани речиси четвртина помалку пријавени случаи на лица инфицирани со коронавирусот.

Според СЗО, бројот на новозаразени опаѓа од крајот на март.

Од 11 до 17 април се регистрирани 5,59 милиони случаи, 24 отсто помалку споредбено со седмицата претходно, а бројот на починати од инфекција на Ковид-19 е намален на 18.215 или за 21 отсто.

Трендот на опаѓање на бројките на инфицирани и починати е забележан во сите делови на светот.

СЗО сепак наведува дека таквите трендови треба да се примаат со претпазливост бидејќи земјите ги менуваат стратегиите за тестирање, преку помалку спроведени тестови, а со тоа и помал врој откриени позитивни случаи.

Најмногу инфекции минатата седмица се регистрирани во Јужна Кореја и тоа повеќе од 972 илјади, во Франција повеќе од 827 илјади и во Германија повеќе од 769 илјади.

Најголем број смртни случаи поврзани со ковид-19 има во САД – 3.076, во Русија 1.784 и во 1.671 во Јужна Кореја.

ИЗВОРНова Македонија
претходниот член,Рубин Земон: Ванчо Михајлов бил етнички Влав
Следната статијаПовторно покачување на платите во јавната администрација

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде