По наглото зголемување на бројот на заболени од Ковид-19, косовската Влада синоќа донесе нови мерки за спречување на ширењето на пандемијата, според кои, меѓу другото, од денеска за влез во државата е потребно да се приложи потврда за примени три дози вакцини, или две вакцини и негативен ПЦР тест, не постар од 48 часа, јави дописникот на МИА од Приштина.

Од обврската за приложување сертификати за вакцинација при влез во Косово се ослободени лицата кои патуваат транзитно, странските дипломати, децата до 12-годишна возраст и лицата кои имаат лекарска потврда дека се ослободени од вакцинација.

Косовските државјани кои немаат примено две вакцини, по враќањето во земјата ќе треба да подлегнат на седумдневен карантин во своите домови. На сите вработени во јавните институции ќе им се бара сертификат за примени најмалку две дози.

Со новите мерки, таканаречениот полициски час, односно забраната за движење, наместо од полноќ, од денеска ќе трае од 22 до пет часот наутро. Се скратува и работното време на угостителските објекти, кои, наместо до 23 часот како досега, ќе можат да работат до 21 часот, со тоа што музиката е дозволена до 20.30 часот.

Забранета е работата на ноќните клубови и организирањето фестивали, концерти, свадби и веридби, додека на погребни церемонии е дозволено присуство само на најблиските роднини.

Одлуката, која стапува во сила денеска, е со важност до 4 февруари.

 

ИЗВОРВработување
претходниот член,Што ако бракот ви се заснова само на грижа и опстојува само поради тоа што има трети лица?
Следната статијаСтварно е жената што најмногу чита книги во Македонија за осуда, мамицу ви вашу неписмену!

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде