Кејт Мидлтон наводно е „засрамена“ и „преплашена“ од тврдењата дека ја расплака Меган Маркл во пресрет на нејзината венчавка затоа што е „многу внимателна во однесувањето со другите“, тврди експертот за кралското семејство.
Во експлозивното интервју дадено на Опра Винфри на почетокот на овој месец, Меган ги негираше гласините дека ја расплакала Кејт (38) поради инцидентот, инсистирајќи дека е обратно и дека ја вознемирува војвотката од Кембриџ.
Инцидентот се случи пред две години, кога се веруваше дека Меган „ја остави Кејт Мидлтон во солзи“, но тоа прашање повторно се појави во сега познатото интервју.
Кејт беше вознемирена за нешто, но подоцна го прифати и се извини. И ми донесе цвеќе – откри Меган.
–Немаше конфликт и мислам дека не е фер да навлегувам во детали бидејќи таа се извини и јас и простив. Она што беше тешко е да те обвинат за нешто што не си го сторил, но она што ти се случило – додаде војвотката од Сасекс.
Кејт Никл е експерт за кралското семејство и откри дека никогаш не чула дека војвотката од Кембриџ била непријатна со никого затоа што „таа е многу внимателна во односите со луѓето“.
–Кејт никогаш не сакаше какви било информации за нејзиното несогласување со Меган да стигнат до печатот, па затоа и е многу тешко да ја циркулира оваа приказна. Постојат различни верзии на приказната за нив двете, не само за онаа што Меган ја зборува. Кејт сметаше дека таа епизода е готова, па затоа и беше страшно повторно да помине низ неа. Меган и Хари знаат дека Кејт не е во позиција да одговори – рече Никел за американското списание.
Кејт исто така рече дека интервјуто со Опра ја оставило Кејт „тажна, разочарана и повредена“ и дека за неа биле неколку „многу тешки“ денови.
Војводата и војвотката од Кембриџ првпат беа видени во четвртокот по познатиот разговор кога посетија училиште во источен Лондон.
