Добра вест за сите љубители на ореви: според студијата на Универзитетот во Јужна Австралија, консумирањето јаткасти плодови може да биде клучот за менталното здравје во староста.
Во студија на 4.822 возрасни Кинези на возраст над 55 години, истражувачите откриле дека консумирањето повеќе од 10 грама јаткасти плодови дневно е поврзано со подобрување на функцијата на невроните, пишува Фокус.
Др. Минг Ли, водечки истражувач на студијата, во изјавата од универзитетот истакнува дека студијата била првата што открила врска помеѓу познанието и консумирањето јаткасти плодови кај постарите возрасни лица.
Така, резултатите обезбедија важни сознанија за растечките когнитивни здравствени проблеми на постарите лица, вклучително и болести како што е деменција.
- Јаткастите плодови го одржуваат мозокот во форма
Со јадење повеќе од 10 грама (или две лажички) јаткасти плодови дневно, постарите луѓе би можеле да ги подобрат своите когнитивни функции до 60 проценти – во споредба со другите кои не јадат јаткасти плодови, рече д-р Ли.
Менталниот слом, кој инаку се доживува како нормален во период од две години, може да се спречи со консумирање јаткасти плодови.
Истражувачкиот тим дошол до овој заклучок откако ги анализирал податоците од девет циклуси на истражувањето за здравствена исхрана во Кина, кои биле собрани во период од 22 години.
