Министерството за здравство ја објави анализата на вакцинирани, од позитивни случаи со ковид-19, во период од 6 август заклучно со 2 декември.

За вакцинирани, објаснуваат од министерството, се сметаат лицата што се вакцинирани со две дози и поминале најмалку 14 дена од примање на втора доза вакцина.

Во период од 06.08 до 02.12.2021 на територија на државата 60.772 граѓанин, се позитивни од тестирани на ковид-19, од нив 31 % биле целосно вакцинирани, односно 19.025 лица. Голем е бројот на невакцинирани граѓани кои се заразиле со ковид-19, велат здравствените власти.

Според статистика за изминативе месеци, 41.747, граѓани, односно 69 % од позитивните на ковид-19 не биле вакцинирани.

Смртноста кај невакцинираните е драстично поголема, покажува анализата.

Во период од 06.08 до 02.12.2021 од вкупниот број починати со ковид-19, 79 % биле невакцинирани, а 21 % примиле вакцина.

Според анализите починатите имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас.

ИЗВОРНова Македонија
претходниот член,Писмо до Дедо Мраз
Следната статијаПовеќе од 40 милиони луѓе во светот живеат во модерно ропство

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде