По веста од Босна и Херцеговина, дека владата и премиерот се обврзале да преземат итни чекори за заштита на реките што го сочинуваат регионот на „Синото срце на Европа“, охрабрувачки вести доаѓаат од Албанија, објави американскиот актер Леонардо ди Каприо на својата страница на Фејсбук.
Според познатиот актер, една од последните големи диви реки во Европа, Вјоса, која тече низ Албанија, може да се спаси од изградба на хидроцентрала и брана.
Ди Каприо се осврна на вестите од 25 септември, кога албанскиот премиер Еди Рама објави дека проектот на браната Каливац треба да се гради во речното корито затоа што областа ќе биде прогласена за национален парк.
Славниот актер смета и дека идниот национален парк на реката Вјоса би можел да стане најголемото заштитено подрачје на една река во Европа, бидејќи опфаќа неколку стотици километри реки и потоци и штити многу загрозени видови како што се европската јагула и неодамна откриените камени муви.
–Идниот парк може да стане модел за Стратегијата за биодиверзитет според Зелениот договор (склучен меѓу членките на Европската унија). Очекуваме повеќе добри вести за конкретни активности за целосна заштита на реките во Босна и Херцеговина, Албанија и остатокот од регионот на Балканот, рече Ди Каприо.
