Собрание на Република Северна Македонија денеска ќе ја одржи 75. седница, на која како една од клучните точки на дневниот ред е предвиден изборот на новите министри за европски прашања и за животна средина.
На седницата пратениците ќе расправаат и ќе одлучуваат за предложените кадровски решенија во Министерство за европски прашања и Министерство за животна средина и просторно планирање, ресори кои имаат значајна улога во процесите на европска интеграција и во справувањето со еколошките предизвици во државата.
Изборот на новите министри се очекува да даде насока за понатамошните реформи поврзани со усогласување со европските стандарди, како и за подобрување на политиките за заштита на животната средина, квалитетот на воздухот и одржливиот развој.
Покрај оваа точка, на дневниот ред на 75. седница се наоѓаат и други законски предлози и одлуки од тековно значење, за кои пратениците ќе расправаат во текот на денот.
