Лековите за губење на тежината, како што се оземпик и веге, кои станаа популарни во последниве години поради нивната ефикасност во контролата на дијабетесот и губење на тежината, предизвикуваат губење на косата. Ова го покажуваат резултатите од новото канадско истражување.
Студијата, спроведена од истражувачи од Универзитетот во Британска Колумбија, наведува дека најчестиот несакан ефект на лековите за слабеење е зголемениот ризик од губење на косата, објави Њујорк пост.
Истражувачите анализирале податоци од 1.926 корисници на лекот за слабеење семаглутид и 1.348 корисници на бупропион-налтрексон, друг вид лек за губење на тежината. Тие откриле дека корисниците на семаглутид биле 50 отсто повеќе изложени на ризик од губење на косата во споредба со другата група.
Исто така, жените имале двојно поголема веројатност од мажите да губат коса додека користеле семаглутид.
