Витаминот Д е особено важен за здрав циклус на раст на косата, бидејќи секој фоликул на косата содржи рецептор за витамин Д.
Недостатокот на витамин Д е еден од најчестите недостатоци и причини за опаѓање на косата кај мажите и жените, особено во текот на зимата кога сме помалку изложени на сонце.
Сепак, експертите за коса велат дека добрата исхрана и промените во животниот стил можат да помогнат да се реши проблемот со опаѓањето на косата предизвикано од недостаток на витамин Д.
Се верува дека само 30 минути пладневна сончева светлина дневно помага да се изгради нашиот имунитет, да се зајакнат коските и да се одржи здрава коса.
Витаминот Д е важен бидејќи се метаболизира во кожата од кератиноцитите. Тоа се клетки на кожата кои го обработуваат кератинот, протеин во косата, ноктите и кожата. Кога телото нема доволно витамин Д, кератиноцитите во фоликулите на косата имаат проблеми со регулацијата на растот, а косата опаѓа – објаснува Карл Кристијан, основач на скандинавскиот здравствен бренд New Nordic.
Кристијан советуваше дека клучот за здрава, полна коса е здравата кожа на главата. Затоа треба да гледаме подалеку од нашата вообичаена рутина за миење коса, објасни тој.
Тој рече дека јадењето храна како мрсна риба, црвено месо, јајца може да помогне со витамин Д.
Друг совет е да го масирате скалпот секогаш кога ќе ја миете косата. Помага да се исчистат мастите и насобраните мртви клетки од кожата, а исто така ќе помогне и во стимулирање на растот на косата.
Губењето на косата не е секогаш предизвикано од недостаток на витамин Д. Ова може да се случи и поради недостаток на витамин Б12, кој обично се наоѓа во производите од животинско потекло, или поради недостаток на протеини, што ја прави косата кршлива.
Диетата која се состои од посно месо, јајца, масна риба, сирење со малку маснотии, киноа, јаткасти плодови и тофу може да помогне во решавањето на недостатокот на протеини, додека најдобро е да барате храна богата со витамин Б12 и да земате додатоци, особено ако сте вегетаријанец или веган.
