Во декември 2021 година, бројот на комерцијални летови во Европската унија (ЕУ) е зголемен за 130 отсто во однос на декември 2020 година, објави Евростат.
Сепак, бројките се уште се под нивото пред пандемијата, бидејќи во однос на декември 2019 година, бројот на летови е помал за 24 проценти.
Во декември 2021 година имало 383.720 комерцијални летови, а во декември 2020 година 166.990. Во декември 2019 година, бројот на комерцијални летови изнесува 504.270.
Воздухопловната индустрија полека закрепнуваше во текот на 2021 година, иако немаше знаци на закрепнување во првите месеци.
Во јануари 2021 година имало 68 отсто помалку комерцијални летови отколку во истиот месец во 2019 година, во февруари падот во однос на истиот месец во 2019 година бил 73 отсто, а во март падот бил 71 отсто.
Состојбата почнала да се подобрува во мај, кога имаше за 67 отсто помалку летови во однос на истиот месец во 2019 година, а во јуни падот беше 54 отсто, а во август 31 отсто.
Септември имало помал пад на комерцијалните летови во споредба со истиот месец во 2019 година (-33 проценти).
Октомври со пад од 30 отсто, ноември со пад од 26 отсто и декември со пад од 24 отсто се најблиску до бројките на комерцијални летови пред пандемијата.
Севкупно, кога се споредуваат 2019 и 2021 година, најмногу знаци на закрепнување кога станува збор за комерцијалните летови се забележани во Грција, во споредба со 2019 година, падот изнесува 29 отсто. Следува Кипар (-38 отсто), Луксембург (-39 отсто).
Од друга страна, авионската индустрија во Ирска покажа најмалку знаци на закрепнување. Падот на комерцијалните летови во таа земја е 64 отсто во споредба со 2019 година. Следуваат Словенија и Чешка (-62 отсто).
